Киһи-хара буолаары

Улдьаа Харалы
Описание

Өбүгэлэрбит барахсаттар ирбэт тоҥноох муус-хаар дойдуга айыы
сүөһүтүн ииттэн, айахтарын көрүнэн олорбуттара. Уһун курааннар,
номоххо киирбит уу суттара, киһини хара быарынан халыҥ хаардаах
кыһыннар, аан дойдуну хам тоҥоруох чучураан тымныылар кинилэр модун санааларын булгуруппатахтара, олоххо тардыһыыларын
уҕарыппатахтара. Күчүмэҕэй кэмнэргэ сарын санныларыттан өйөһөн,
тарбах тарбахтарыттан тардыһан, өбүгэлэрбит олоҕу салҕаан испиттэрэ. Ол иһин күн бүгүн биһиги, сахалар, баарбыт. Ону тэҥэ иэгэйэр икки атахтааҕы долгуппут,
киһи-хара оҥорбут улуу таптал ол былыргы кэмнэртэн баара.
Устан ааспыт олох быыһын сэгэтэн, ааптар бэрт итэҕэтиилээхтик,
уустаан-ураннаан суруйбутун ааҕыаххыт.