Ким да умнуллубат, туох да умнуллубат

17 Мая 2020
Ким да умнуллубат, туох да умнуллубат

Аҕа дойдуну көмүскүүр Улуу сэрии Кыайыынан түмүктэммитэ 75 өрөгөйдөөх сылын көрсө «Ким да умнуллубат, туох да умнуллубат» хомуурунньук үһүс чааһа бэчээттэнэн киэҥ эйгэҕэ аҕыйах ахсаанынан тахсыбытын санатабыт.


АННОТАЦИЯ

Ким да умнуллубат, туох да умнуллубат

   Аҕа дойдуну көмүскүүр Улуу сэрии сылларынааҕы өрөспүүбүлүкэ тыатын сирин ыар балаһыанньатын сырдатар хомуурунньук үһүс чааһыгар архыып докумуоннара, оччотооҕу кэм тыыннаах туоһуларын ахтыылара, билим уонна суруналыыстыка анал идэлээхтэрин чинчийиилэрэ, ырытыылара, хаһыат матырыйааллара, о.д.а. түмүллэн киирдилэр. Кинигэҕэ Ийэ дойдуну көмүскүүр туһугар дьоҕус ахсааннаах саха норуота хайдах курдук улахан сүтүктэммитин, кыайыыга сүҥкэн кылааты киллэрбитин итэҕэтиилээхтик арыйар чахчылар ааҕааччы болҕомтотун тардыахтара.
   Хомуурунньук Саха сирин тыатын олохтоохторун туохха да холобура суох олох, эйэ, дьол иһин хорсун охсуһууларын, дуулаҕа дьулуурдаах туруулаһыыларын, сөҕүмэр тулуурдарын, тулхадыйбат бэриниилэрин кырдьыктаахтык арыйар. Манна урут бэчээккэ, кинигэҕэ-хаһыакка тахсыбыт матырыйааллар түмүллэн киирдилэр.
   Саха сирин устуоруйатын саҥардан, билиҥҥи билим үрдэлиттэн көрөн суруйа, бэлэмнии сылдьар билим үлэһиттэригэр, тус интэриэстээх дьоҥҥо бу үс түһүмэхтээх хомуурунньук матырыйаала көмө-тирэх буолуоҕа.



«Ким да умнуллубат, туох да умнуллубат» хомуурунньук үһүс чааһын бу сыылканан киирэн, хачайдаан ааҕыахытын сөп.
Скачать файл - пароль от архива: bichik

Другие новости
Книжный фестиваль-2020 «Читающая Якутия/Ааҕар Саха сирэ»
Объявляем конкурс рисунков «Мое полезное лето” для детей в возрасте от 5 до 15 лет.
Есть тут у нас любители читать и сочинять свои сказки? Или кто хочет себя в этом попробовать?