Телефон поддержки: 88002501338 Email: book@bichik.ru

Үбүлүөйдээх ааптар саҥа кинигэтэ таҕыста!

Татьяна Петровна Находкина – саха дьоно сөбүлээн ааҕар ааптардарыттан биирдэстэрэ. Кини РФ суруйааччыларын, суруналыыстарын Сойуустарын чилиэнэ, РФ үтүөлээх учуутала, СӨ үөрэҕириитин туйгуна, Уус Алдан улууһун бочуоттаах олохтооҕо.


«Дьылҕаҥ бэйэҥ илиигэр», «Сасыһа оонньуур эдэр саас», «Өтөх иинэ оспот» о.д.а. кинигэлэрэ ааҕааччылар биһирэбиллэрин ылбыта. 2014 сыллаахха «Саамай ааҕыллар кинигэлээх ааптар» диэн Бэлиэ суругунан бэлиэтэммитэ.

Убаастыыр ааптарбытын Татьяна Петровнаны 65 сааһын туолбут бэлиэ күнүнэн уонна бу күнү көрсө «Былдьаммыт дьылҕа» диэн саҥа кинигэтэ күн сирин көрбүтүнэн итиитик-истиҥник эҕэрдэлиибит! Айар ыллыгыҥ өссө да тыргылла турдун, ааҕааччылар сэҥээриилэрин, махталларын ылан уһун дьоллоох олохтон диэн алгыс тылбытын аныыбыт!

Татьяна Находкина дьылҕа, олох, таптал туһунан сэһэргиир «Былдьаммыт дьылҕа» кинигэтэ сотору кэминэн бары маҕаһыыннарбытыгар атыыланыаҕа.

Сыаната: 180 солк.

Newer
Ийэ күнүгэр аналлаах «Бичик» кыһа алтынньытааҕы «Барыстаах нэдиэлэ» акцията элбэх оҕолоох ийэлэргэ ананар.
Older
Ювелирдар күннэрин көрсө чэпчэтиилээх акция!
Shopping cart