Телефон поддержки: 88002501338 Email: book@bichik.ru

«САХА ЫАЛЫН БАСТЫҤ КИНИГЭТЭ» – хас биирдии саха киһитигэр, саха ыалыгар дьоһун бэлэх!

Саха ыала — бу өрүү эйэҕэс, ис киирбэх, киһи кута-сүрэ тохтуур, дууһатын сылаанньытар ытык эйгэ, нус-хас олох эргийэр киинэ, кэнэҕэски кэскили түстээн, түктэри быһыыны дьалты хаамар сиэр-туом уйата.

Олоҕун сөптөөхтүк дьаһанар туһуттан эдэр киһи, бастатан туран, аҕа дьонтон сүбэлэтэр идэлээх. Ол да иһин мээнэҕэ эппэттэр эбит: «Кырдьаҕаһы хааһахха хаалаан сылдьан сүбэлэт», — диэн. «САХА ЫАЛЫН БАСТЫҤ КИНИГЭТЭ», өбүгэбит олоххо мындыр көрүүтүн, үөрүйэҕин, төрүт майгытын-сигилитин этинэн-хаанынан, өйүнэн-сүрэҕинэн иҥэриммит ытык кырдьаҕас кэриэтэ, дьиэ кэргэн олоҕун устатын тухары бастыҥ сүбэһит буолуоҕа диэн санааттан оҥоһулунна. Ол курдук мантан саха дьоно, ыччата олоҕор улахан суолталаах уларыйыыларга (уруу, оҕолонуу, дьиэ туттуу, о.д.а) туох-ханнык сиэр-туом тутуһуллуохтааҕын билиэҕэ, өбүгэ үөрүйэҕинэн кэлэр кэмҥэ туох күүтэрин сылыктаан көрөргө, инникини торумнуурга µірэниэ±э. Эр киґи байанайдаах, дьахтар толору сандалылаах буоларыгар, кэлэр кэскили – уолу уол курдук, кыыһы кыыс курдук иитиигэ, хороҕор муостааҕы, сыспай сиэллээҕи кірµµгэ-истиигэ, норуот ньыматынан доруобуйаны туругурдууга сыһыаннаах быґаччы сµбэ­лэр киирдилэр.

Күндү ааҕааччы, бу кинигэттэн элбэҕи билэн-көрөн аныгы олоххо туһаныаҥ уонна кэнчээри ыччаккын киһи киһитэ буоларга уһуйуоҥ-такайыаҥ диэн эрэнэбит. Көмүс ньээкэ уйаҕар дьиэ кэргэҥҥин   сүрэҕиҥ сылааһынан, амарах сыһыаҥҥынан иилии куус, чугас дьонуҥ чэгиэн-чэбдик, этэҥҥэ буолалларын туһугар ис сүрэххиттэн кыһалын, олоххор дьол-соргу эрэ уйаланнын!

«САХА ЫАЛЫН БАСТЫҤ КИНИГЭТИН» сотору кэминэн «Бичик» маҕаһыыннарыгар күүтүҥ, бэйэҕитигэр уонна чугас дьоҥҥутугар туһалаах, көлүөнэттэн көлүөнэҕэ хаалар үйэлээх  бастыҥ бэлэхтэ оҥоруҥ!

Newer
Бүөтүр Тобуруокап төрөөбүтэ 100 сыла
Older
Саҥа кинигэлэр!
Shopping cart