Телефон поддержки: 88002501338 Email: book@bichik.ru

Сахалыы үөрэх бырагыраамалара – федеральнай реестргэ!

Үөрэх кинигэтэ, Россия Үөрэҕин уонна наукатын  министиэристибэтин ирдэбилинэн, учуобунньук статуһун ыларыгар 4 экспертизаны (научнай, педагогическай, общественнай, региональнай уонна этнокультурнай) ааһан, федеральнай испииһэккэ киирэр. 2017 сылтан РФ Үөрэҕин уонна наукатын министиэристибэтин саҥа ирдэбилинэн үөрэх биридимиэтин барыл (примернэй) бырагырааматын нууччалыы тылбааһа федеральнай реестргэ киириэхтээх.

Сэтинньи 17 күнүгэр «Саха тыла» 1—9, «Литература ааҕыыта» 1—4, «Төрөөбүт литература» 5—11 кылаастарга үөрэх биридимиэттэрин бырагыраамалара, ирдэбил бары киритиэрийигэр сөп түбэһэн, Россия барыл бырагыраамаларын реестригэр киирдилэр!

Бу үлэбитин Россия Үөрэҕин академиятын академиктара, доктордара үрдүктүк сыаналаабыттара – улахан ситиһии.

Онон Саха Өрөспүүбүлүкэтин С.А. Новгородов аатынан «Бичик» национальнай кинигэ кыһатын «Саха тыла», «Литература ааҕыыта» уонна «Төрөөбүт литература» үөрэх кинигэлэрэ федеральнай таһымҥа тахсалларыгар сүрүн олук уурулунна.

Реестри http://fgosreestr.ru сыылканан киирэн көрүөххэ сөп.

Newer
Саҥа кинигэлэр!
Older
Болҕойуҥ, саҥа дьыллааҕы акциялар!
Shopping cart