Телефон поддержки: 88002501338 Email: book@bichik.ru

“Дьоллоох эрэ буол, оҕом барахсан!»

Оҕо тоҕо, туохтан сылтаан төрөппүккэ арыллыбатый, барытын уора-кистии оҥороруй? Тоҕо быдьар тылы туттарый? Аһара сыаналаах малы-салы кыайан ылан биэрбэти оҕоҕо хайдах өйдөтүөххэ сөбүй? Оҕо ыйыппакка эрэ сиэби хаһан, харчы ылар буоллаҕына тугу гынабыт? Уол оҕо кыыстыҥы буолбатын туһугар төрөппүт тугу гыныахтааҕый? Оскуолаҕа сылдьан кыыс хат буолбут буоллаҕына?

Бу маннык уонна маныаха майгынныыр чэпчэкитэ суох ыйытыктарга туһаайыллыбыт хоруйдары «Дьоллоох эрэ буол, оҕом барахсан!» «Бичик» кинигэ кыһа бэчээттээн таһаарбыт бэртээхэй кинигэтиттэн булуохха сөп. Таһаарыы тутула ыйытык  уонна онно хоруй быһыытынан бэриллэрэ кэрэхсэнэр. Биллэр-көстөр, олоххо улахан уопуту, билиини-көрүүнү илдьэ сылдьар психолог сүбэтэ күүс-көмө буолара кыратык да саарбахтаммат. Хас биирдии төрөппүт бу кинигэттэн бэйэтигэр туһалааҕы, наадалааҕы булгуччу булуо диэн бүк эрэллээхпит. Кинигэни «Бичик» национальнай кыһа, «Дьиэ кэргэн уонна ыччат социальнай-психологическай өйөбүлүн киинэ» холбоон таһаардылар. Ааптардар Л.А.Баишева-Федорова, Л.И.Аргунова.

Newer
Щедрая акция от «Бичик»!
Older
«Төлкөм миэнэ…»
Shopping cart