Телефон поддержки: 88002501338 Email: book@bichik.ru

«Төрүччү» кинигэ — дьон-сэргэ болҕомтотун киинигэр

«Бичик» кинигэ кыһата аан бастаан Ютуб «Книги Бичик» ханаалыгар тэрээһин буола турар кэмигэр быһа биэриигэ тахсан, төрдү-ууһу үйэтитэр «Төрүччү» кэрэхсэбиллээх,  ытык кинигэни сүрэхтээтэ. Бу аныгы  технология көмөтүнэн өрөспүүбүлүкэ араас улуустарыгар дьон-сэргэ биэриини сэргии-сэҥээрэ көрдө.  

Төрүппүт-ууспут, удьуорбут туһунан билиибит-көрүүбүт, кистэл буолбатах, тутах. Үгүспүт билэрэ хос эһэнэн, эбэнэн муҥурданар, бүтэр да диэхпитин сөп.  «Бичик» кыһа «Төрүччү» төрдү-ууһу үйэтитэр, удьуору ааттатар, көлүөнэттэн көлүөнэҕэ бэриллэр кинигэтин биһирии-үөрэ сүрэхтиир тэрээһиҥҥэ кинигэ кыһатын салайааччыта Август Егоров, национальнай архыып дириэктэрин солбуйааччы Наталья Степанова, кинигэни ойуулааһыҥҥа үлэлээбит эдэр уруһуйдьут Дарья Татаринова эҕэрдэ тылларын эттилэр, мустубут дьон ыйытыктарыгар хоруйдаатылар. Кинигэ сүрэхтэниитин редактор Айсена Тимофеева иилээн-саҕалаан ыытта. 

«Төрүччү» ытык кинигэ туһунан аҕыйах тылы эттэххэ, кинигэ удьуору үөрэтиигэ туһаайыллыбыт матырыйааллары хайдах көрдүүр туһунан тэттик сүбэттэн саҕаланар. «Аҕам төрдө-ууһа», «Ийэм төрдө-ууһа», «Алын көлүөнэ оҕолор» уо.д.а салааларынан араарыллар.

«Төрүччү» кинигэтэ эбии «Өбүгэ ситимэ, күүһэ, көмүскэлэ» диэн тэттик кинигэлээх. Бу дьоҕус эрээри, дириҥ ис хоһоонноох кинигэ чараас эйгэни кытта ыкса ситимнээн суруллубутун бэлиэтиир тоҕоостоох. Өбүгэлэрбит биһиги билиҥҥи олохпутугар, куппутугар-сүрбүтүгэр, санаабытыгар-онообутугар хайдах дьайалларын уонна  сабыдыаллыылларын туһунан мөккүөрдээх да соҕус көрүүлэр, санаа лоскуйдарыттан таҥыллыбыт эзотерическэй суруктар киирдилэр.

Кинигэ сүрэхтэниитин https://youtu.be/9h2mJWXaPG0 ссылканан киирэн көрүҥ!

Newer
«Бичик» киоската — Бэрдьигэстээххэ
Older
Щедрая акция от «Бичик»!
Shopping cart