Бойуот

Кулаковскай Реас Алексеевич
Описание

Таптал – олоҕу туругурдар, чэчирэтэр, киһи аймахха Айыылар анаан бэлэхтээбит сырдык күүстэрэ – оннооҕор өлөр өлүүнү кыайарын туһунан улуу олоҥхобутуттан ааҕан билэбит. Төлкөлөөх төрүт литэрэтиирэбитигэр бу иэйиигэ анаммыт үгүс айымньылартан биирдэстэринэн уус-уран тыл маастара Реас Кулаковскай «Бойуот» диэн сэһэнэ буолар.
Ойуун күһэйиитинэн, былыргы кэнэн дьон кэрэ кыыһы– Нуоралдьыманы Амма эбэ иччитигэр толук биэрээри, болуокка кэлгийэн, уста турар көмүөлгэ ыытан кэбиһэллэр. Онуоха кыыс таптыыр уола Бойуот киһи барыта толлор кырдьаҕас ойуунуттан, кини сүлүһүннээх кырыыһыттан да чаҕыйбакка, тапталлаах кыыһыгар уста турар муустан мууска ойон тиийэн быыһыыр, Нуоралдьыманы санныгар быраҕар да, кытыл диэки эмиэ муустан мууска ыстанан бара турар. Салгыы бу эр сүрэхтээх хоһуун уол Бойуот уонна нарынтан нарын Нуоралдьыма, тыыннарын тэскилэппит эдэр дьон, дьылҕалара хайдах салаллыбытын бу сэһэни ааҕан билиҥ.

Всепобеждающей силе чистой любви посвящена повесть мастера Слова Реаса Кулаковского. Глубокому и сильному чувству влюбленных не страшны никакие преграды: ни проклятия всемогущего шамана, ни страх быть изгоем в расцвете лет, ни реальная угроза жизни во время сильного ледохода.