Айыы далбар хотуна 2 ЭЛЕКТРОННАЙ КИНИГЭ

80.00 руб.

Нина Протопопова

ЭЛЕКТРОННАЯ КНИГА

Рубрика:

Описание

Аан дойдуга бэйэ-бэйэтигэр маарыннаһар биир да киһи суоҕун курдук, биир даҕаны маарыннаһар дьылҕа суох буолуо.

Ол кэриэтэ мин бу олохпор көрсүбүт сахам дьахталлара, суруйар дьонум бары тус-туспа дьылҕалаахтар. Ол эрээри, мин геройдарым бэйэлэрин олорбут кэмнэрин оҕолоро, кини үөрүүтүн-өрөгөйүн билбит, ыарын-кытаанаҕын сүксүбүт, аһыытын-абатын амсайбыт дьоһун-мааны дьон. Мин геройдарым олоххо дьулуурдарын, үлэҕэ, үөрэххэ дьулуһууларын, сиэр-майгы кэрэтин, өй-санаа ырааһын көрдөрбүт, сахаларын норуотун сиэркилэтэ буолбут кини кэрэ кыргыттара. Мин кинилэри эргиччи өттүттэн: кэрэ дьахтар, таптыыр уонна таптанар хотун кэргэн, күн-күбэй ийэ, эбэ, үлэһит киэнэ бастыҥын быһыытынан хайдах баарынан көрдөрө сатаатым. Ол өйтөн оҥоһук буолбатах. Ол саха дьахтара төрдүттэн-ууһуттан илдьэ сылдьар майгыта-сигилитэ. Кини көнөтө, чиэһинэйэ, үлэһитэ, кэргэн, ийэ быһыытынан бэриниилээҕэ ол кини төрүт сиэрэ-майгыта. Ол былыр-былыргыттан үгэс буолан кэлбит сиэр-майгы биһиги эдэркээн оҕолорбутугар, кыргыттарбытыгар бэрилиннэр ханнык диэн мин үтүө-мааны саха хотуттарын холобурдарын хомуйан кинигэ оҥордум.

Саха киһитэ айылҕа оҕото. Ол ситими быһыы иэстэбиллээх буолуутун биһиги эппитинэн-хааммытынан билэн эрэбит. Онон тулалыыр эйгэни кытта алтыһыы туһунан Эдьиий Дора сэһэнэ ааҕааччыны умсугутуо диэн эрэнэбин.

Мин бастакы да, бу иккис да кинигэбэр кэпсиир дьонум туһунан үксүн Далбар хотун диэн дьахтар аймах туһунан кэрэхсэбиллээхтик кэпсиир, дьоһуннаахтык ойуулуур, дуоспуруннаахтык туруорсар үчүгэйкээн сурунаалга бэчээттэтэн турабын. Онон сурунаалбар, кинини редакциялаан, тэрийэн таһаарар үлэһиттэргэ махталым улахан.

Детали

Язык

як. яз.

Отзывы

Отзывов пока нет.

Будьте первым, кто оставил отзыв на “Айыы далбар хотуна 2 ЭЛЕКТРОННАЙ КИНИГЭ”

Ваш e-mail не будет опубликован. Обязательные поля помечены *

Отправить