Телефон поддержки: 88002501338 Email: store@bichik.ru

МИР ДЕТСТВА

«Минньигэстик утуй»

«Минньигэстик утуй» биһик ырыалардаах түүҥҥү уот.
Алта ырыалаах уонна уоту холбуур-араарар кунуопкалардаах. Тоотук диэн ис киирбэх үрүҥ эһэ оҕо болҕомтотун тутуо, наҕыл, наскыл ырыалар түргэнник утуйарыгар көмөлөһүөхтэрэ. Салгыы ырыалар тыллара бэриллэллэр. Түүҥҥү уоту биһик үрдүгэр ыйаа, ырыалары тэҥҥэ ыллас.

Бичик маҕаһыыннарыттан атыылаһыахха сөп

Омук Уола тыл., Э. Николаев мел.

 БИҺИК ЫРЫАТА

Оҕом сыыһа, кырачааным,

Ылласпакка нуктаабыт.

Кэрэ киһим, маанычааным,

Сылласпакка утуйбут.

Хос ырыата:

Сырдык, ыраас санаалары

Сиэтэ сылдьар туллукчааным,

Утуй, сынньан, улаатаары,

Киһи-хара буолаары.

Сарсын үүнүө саҥа күн,

Чуораанчыгым чугдарыа.

Сарсыардаттан көрүлүө,

Тойтоһуйа чуопчаарыа.

Хос ырыата.

 

Тотто, бүттэ, утуйда.

Минньигэстэй да тыллар.

Турда, сүүрдэ, улаатта,

Кэрэ кэмнэр – бу сыллар.

 Хос ырыата.

И. Гоголев тыл., К. Семенова мел.

 БИҺИК ЫРЫАТА

Элбэх чээмэл сулустары

Халлаан тистэ, биэбэйиэм,

Сырдыктарын, сылаастарын

Мин эйиэхэ бэлэхтиэм

 

Хос ырыата:

Сырдыктарын, сылаастарын

Мин эйиэхэ бэлэхтиэм

Элбэх дьикти ырыалары
Ийэҥ билэр, чыычааҕым,
Намыннарын, наҕылларын

Мин эйиэхэ ыллыаҕым.

 

Хос ырыата:

Намыннарын, наҕылларын

Мин эйиэхэ ыллыаҕым.

Сир үрдүгэр элбэх ньыгыл

Кириэппэстэр тураллар.

Кыһыл көмүс ааннарын

Арыйтыаҕыҥ эн баҕар.

Хос ырыата:

Кыһыл көмүс ааннарын

Арыйтыаҕыҥ эн баҕар.

П. Тобуроков тыл., Р. Аянитова мел.

 

УТУЙ, СЫННЬАН

Утуй, сынньан сыллыыйым,

Утуй, тыллаах чыычааҕым,

Уутун хана утуйбат

Боруо оҕо улааппат.

Хос ырыата:

Утуй, түһээн көтүөҕүн

Сүрдээх, сүрдээх үөһэнэн.

Элбэҕи да көрүөҕүн

Ийэ сиргин эргийэн.

Утуй, түһээн көрүөҕүн

Күн көмүс куоратын,

Ый ыраас хайаларын,

Сир ыраах муннуктарын.

Хос ырыата.

 

Утуй, түһээн истиэҕин

Сибэкки, от ырыатын,

Сэбирдэх кэпсэтэрин,

Балыкчаан саҥарарын.

 

Хос ырыата.

 

 

В. Степанова тыл., А. Тотонова мел.

 

УТУЙ, УТУЙ, МИН БИЭБЭЙЧЭЭНИМ

Уу чуумпу бу түүҥҥэ

Унаарыта киҥинэйэн

Уунуоҕум ырыабын

Утуктаабыт оҕобор.

 

Хос ырыата:

Утуй, утуй, биэбэйчээним,
Утуй, утуй, көмүсчээним.

Утуй, утуй.

Уһун күҥҥэ сылайан

Ууламмыт хараҕыҥ.

Улахаа диэки хайыһан

Утуй дуу, биэбэйим.

 

Хос ырыата.

Ийэккээниҥ эйигин

Иэдэскиттэн сыллыаҕа,

Илиилэргин ылыаҕа,

Имэрийиэ оргууйдук.

Хос ырыата.

 

Р. Аманатова тыл., мел.

 

БИҺИК ЫРЫАТА

Утуйууй, оҕоккоом, утуйууй,

Ийэккээҥ тылын эн истээриий.

 

Хос ырыата:

Кыракый мин көмүс чыычааҕым,

Быыкайкаан кыысчааным, туллугум.

Уһун күн оонньооҥҥун сылайдыҥ,

Утуйа түһэҥҥин сынньаныый.

Хос ырыата.

 

Сотору кэминэн улаатан

Сүрэхпин үөрүүнэн сырдатыаҥ.

Хос ырыата.

 

 

В. Парников тыл., мел.

 

БИҺИК ЫРЫАТА

Күнчээнигиэм,

Ыйчааныгыам,

Күммүт утуйбут,

Эн эмиэ утуй.

Хос ырыата:

Чыычааҕыам,

Туллукчааныам,

Утуй, утуй,

Бай, бай, бай.

Биэбэйчээнигиэм,

Минньигэсчээниэм,

Сылаас биһиккэр

Сынньанан ылыый.

Хос ырыата.

Кэрэчээнигиэм,

Кэскиллээнчигиэм,

Утуйа түһүүй,

Улаатан үөрдүөҥ.

Хос ырыата.

Shopping cart