|
Бэс ыйын 22-23 күннэригэр «Куруһаала» атыы-эргиэн дьиэтигэр «Саха сирин Бэчээтин тиэргэнэ-2011» регионнар икки ардыларынааҕы VII быыстапка-дьаарбаҥка үрдүк таһымнаахтык ыытылынна. Түһүлгэҕэ республика улуустарыттан уонна Дьокуускайтан уопсайа 30-тан тахса хаһыаттан, реклама агентстволарыттан уонна кинигэ кыһаларыттан муһуннулар. Быйылгы «Бэчээт тиэргэнэ» ураты суолталанна. Ол курдук, былырыын Краснодар куоракка ыытыллыбыт IV ? оссия Кинигэ таһаарааччыларын ассоциациятын научнай-практическай конференцияларыгар «Бичик» национальнай кинигэ кыһатын директора Август Егоров V научнай-практическай конференцияны Саха сиригэр Дьокуускай куоракка ыытарга этии киллэрэн, ону сэргээн, ылынан «? Ф регионнарыгар кинигэ кыһаларын күрэстэһэр кыахтарын үрдэтии уонна сайыннарыы» диэн V научнай-практическай конференция тэҥҥэ ыытылынна. Манна бүтүн ? оссия Кинигэ таһаарааччыларын Ассоциациятын салалтата быыстапкаҕа уонна конференцияҕа кыттыыны ылла. Тэрээһини үөрүүлээхтик аһыыга С? Правительствотын Председателин солбуйааччы Феодосия Габышева, ону тэҥэ Москватааҕы бэчээт государственнай университетын кинигэ бизнеһин кафедратын сэбиэдиссэйэ, филологическай наука доктора, профессор Борис Ленскэй кытыннылар. Кинигэ киһиэхэ, олоххо, билиигэ суолтатын бэлиэтээтилэр, истиҥ иһирэх эҕэрдэ тылларын эттилэр.
Саха бастакы лингвист-учуонайын С.А.Новгородов аатын сүгэр С? «Бичик» национальнай кинигэ кыһата быйылгы «Саха сирин Бэчээтин тиэргэнэ-2011» регионнар икки ардыларынааҕы быыстапка-дьаарбаҥка үлэтин түмүгэр сыллааҕы үлэтэ-хамнаһа ботуччу соҕус бэлиэтэннэ. Ол курдук, «Альбом» номинацияҕа «Навечно в памяти народной. Якутия в годы Великой отечественной войны» кинигэ, «XXI үйэ учебнига» номинацияҕа «Мургин азбуката» үөрэх пособиета, «Оҕо кинигэтэ» номинацияҕа «Саха остуоруйалара» кинигэ бастакы степеннээх дипломунан, ону тэҥэ «Электроннай таһаарыы» номинацияҕа «Киһи» мультимедийнай кинигэ II степеннээх дипломунан уонна анал дипломунан Ариадна Борисова «Земля удаганок» үс кинигэлээх романа бэлиэтэннилэр.
|
