Бу – саха кинигэтин бэчээттээн таһаарыы историятыгар – урут хаһан даҕаны ситиһиллэ илик саҥа кирбии. Москватааҕы аан дойду таһымнаах дойду саамай улахан кинигэтин быыстапкатын конкурсугар национальнай кинигэ кыһата антологияны таһынан, мультимедийнай сыһыарыылаах «Саха остуоруйаларын» уонна «Амгинский район – вехи столетия» альбом-кинигэни дьүүллүүр сүбэ көрүүтүгэр киллэрибтэ.

Туоһу суруктары туттарыы сиэрэ-туома балаҕан ыйын 7 күнүгэр XXIV Москватааҕы норуоттар икки ардыларынааҕы кинигэ быыстапка-дьаарбаҥката аһыллар күнүгэр үөрүүлээх быһыыга-майгыга К.С.Станиславскай уонна Вл.И.Немирович-Данченко ааттарынан Москватааҕы академическай музыкальнай театр сыанатыттан ыытылынна. Антология дипломун «Бичик» кинигэ кыһатын солбуйааччы директора Л.М.Попова _ илиититтэн дохсун ытыс тыаһын доҕуһуолугар тутта.

Санатар буоллахха, үс томун холбоон 1000-тан тахса сирэйдээх бөдөҥ таһаарыы – ? оссия национальнай театрдарын историяларыгар аан маҥнайгы уникальнай үлэ буолар. £ссө биир ситиһии – Бүтүн Россиятааҕы Кинигэ таһаарааччылар ассоциацияларын конкурсугар (АСКИ) лауреат үрдүк аатын ылбыта.

Маннык сүҥкэн үлэни бэлэмнээһиҥҥэ А.Н.Жирков (эппиэттиир сэкэрэтээр), А.А.Билюкина, А.С.Борисов, А.П.Николаев редакционнай коллегиялаах, А.А.Борисова, И.М.Бубякина, М.М.Васильева, Д.П.Дмитриева, А.Н.Жирков, З.И.Иванова-Унарова, Н.И.Илларионова, М.А.Кириллина, Н.И.Максимов, А.П.Николаев, В.Н.Павлова, Т.В.Павлова-Борисова, В.Н.Протодьяконов, Е.А.Сергеенко, Е.Н.Степанов, Н.С.Степанова, Р.И.Тараховскай, Л.В.Тимофеева, В.А.Чусовская күүстээх ааптардар коллективтара сүбэлэрин холбоон, санааларын ууран – Духуобунас форумун иннинэ Саха сирин эрэ буолбакка, бүтүн ? оссия ааҕааччытыгар үйэлээх бэлэх оҥордулар. Эбэн эттэххэ, ити форумҥа анаан «Бичик» кинигэ кыһатыгар бу таһаарыы электроннай вариана оҥоһуллан тахсыаҕа.