Үтүө үгэһи тутуһан, «Бичик» кинигэ кыһата сахабыт дьонугар анаан кэрэ кэпсээннэрдээх, хомоҕой хоһооннордоох, бэргэн этиилэрдээх, туһалаах сүбэлэрдээх 2017 сыллаах халандаары саха ыалыгар бэлэх уунар.
Быйылгы халандаарбыт сүрүннээн дьиэ кэргэҥҥэ – ыал истиҥ ийэтигэр, амарах аҕатыгар туһуланна. Мааны хаһаайкаларга анаан ас ырысыаптарын, кэрэ сэбэрэ кистэлэҥнэрин, оҕуруоту көрүү, эмтээх үүнээйилэр, отоннор, оттон эр дьоҥҥо булт-алт, саха төрүт оонньуутун тустарынан, ону тэҥэ төрөөбүт дойдуну ытыктыырга, сахабыт тылын сөпкө саҥарарга, сиэргэ-майгыга, дьиэҕэ-уокка туһалаах сүбэлэр, кинигэттэн быһа тардан кэпсээннэр, үһүйээннэр, номохтор киирдилэр. Халандаарга ыйыллыбыт бэлиэ күннэр библиограф Л.Т. Ядреева хроникатыгар олоҕурдулар, оттон күн уонна ый киириитэ, тахсыыта, күн уһуна РФ үтүөлээх эколога Н.А. Черемкин – Байды ааҕыытынан Дьокуускай бириэмэтинэн бэрилиннэ. Маны тэҥэ халандаар иһигэр «Бичик plus» маҕаһыынтан биир кинигэни атыылаһаргытыгар 20%, оттон «Аврора» медицинскэй клиникэҕэ биирдэ көрдөрүнэргитигэр 15% чэпчэтии купоннара угулла сылдьаллар. Купоннар 2016-2017 сс. толору болдьохтоохтор. Сыаната 90 солк.
Маҕаһыыннар аадырыстара: Курашов уул. 24, Профсойуус дьиэтин бастакы этээһэ, маҕаһыын өрөбүлэ уонна эбиэтэ суох үлэлиир, тел.: 730-602, 747-463 эбэтэр Ордж. уул. 31, Бэчээт дьиэтэ, тел.: 714-283, оптовай база: 500-156
#бичиккинигэлэрэ
|
